Kollejlar va texnikumlarga 2021/2022-o‘quv yili uchun 10 sentyabrga qadar (shu kuni ham) o‘qishga qabul qilish uchun onlayn ro‘yxatdan o‘tkazish yo‘lga qo‘yildi.
Kollejlar uchun elektron platforma — https://kollej.edu.uz.
Abituriyentlar uchun 176 ta kollejda jami 170 dan ortiq kasblar va mutaxassisliklar mavjud.
Texnikumlar uchun elektron platforma — www.texnikum.edu.uz.
Abituriyentlar uchun 197 ta texnikumda jami 138 dan ortiq mutaxassisliklar mavjud.
Elektron platforma orqali quyidagi tartibda ro‘yxatdan o‘tiladi:
- Elektron ariza to‘ldiriladi;
- Umumta’lim maktabining 11-sinfni tugatganligini tasdiqlovchi attestat (elektron) nusxasi yoki o‘rta maxsus, kasb-hunar ta’lim muassasasini tamomlaganligi to‘g‘risidagi diplom (elektron) nusxasi yuklanadi;
- pasport ma’lumotlar kiritiladi.