Жорий йил 8 декабр – Ўзбекистон Республикаси Конституцияси қабул қилинган кун ҳафтанинг сешанба кунига тўғри келади.

Шу сабабли кўпчиликда байрам арафасида дам олиш кунлари қандай бўлиши тўғрисида айрим саволлар юзага келмоқда, деб ёзади ЎзА.

Маълумот учун, Конституция қабул қилинган кун арафасида ходимларга қўшимча дам олиш куни белгиланмаган.

Байрам арафасида дам олиш кунлари қуйидагича бўлади:

• 5 декабр, шанба – ҳафтасига 6 кун ишлайдиганлар учун иш куни, 5 кунликлар учун дам олиш куни;
• 6 декабр, якшанба – барчага дам олиш куни;
• 7 декабр, душанба – барчага иш куни;
• 8 декабр, сешанба – барчага дам олиш куни;
• 9 декабр, чоршанба – барчага иш куни.

Эслатиб ўтамиз, аввалроқ 2021 йилги қўшимча дам олиш кунлари белгиланган эди.