Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Конвойда олиб келинган Муродбой ва шериклари лезвияни қаердан олишган?
29.05.2021 22:31,  
1713

Конвойда суд биносига олиб келинаётганда судланувчиларнинг ёнида писка (лезвие) бўлмаган, деди Тошкент вилояти ИИББ Ахборот хизмати раҳбари Бобур Тўлаганов Kun.uz билан суҳбатда.

Ижтимоий тармоқларда суд залидаги судланувчилар кабинасида ўтирган 4 нафар эркакнинг билак томирлари кесилгани, кабина ойнаси ва деворларига қон билан турли ёзувлар ёзилгани акс этган видеолар тарқалди. Кейинроқ улар халқ орасида Муродбой номи билан танилган Мирзамурод Юнусалиев ва унинг жиноий шериклари бўлгани, ҳодиса 25 май куни жиноят ишлари бўйича Янгийўл туман судида содир бўлгани маълум бўлди.

Видеоларда судланувчилар ва уларнинг яқин қариндошлари Муродбой ва шерикларини қўлга олиш чоғида топилган 3 кг олтин, 6 миллиард сўм пул ва қимматбаҳо машиналарни орган ходимлари олиб кетганини иддао қилишган.

Олий суд воқеага муносабат билдирди. Унда қайд этилишича, судланувчилар писка (лезвие) бўлаги билан қўлларини тилиб, ўзларини қамоқдан озод қилишни ёки аслида уларга тегишли бўлиб, «Аҳмадбой иши» бўйича мусодара қилинган 6,5 млн долларни қайтаришни ҳамда суд мажлисида бош вазир ва бош прокурор иштирок этишини талаб қилишган.

Олий суд ҳам, вилоят ИИББ ҳам ўз баёнотларида судланувчилар томирларини кесиш учун пискани қаердан олишганига эътибор қаратмаган.

«Шу ҳолат ҳозир суриштирувда. Ҳар ҳолда уларнинг ёнида лезвия аввалдан бўлмаган лезвия. Чунки улар ҳибсдан олиб келинган. Суд залида кимдандир ёки қаердандир олганлар. Тез орада ИИВ бу бўйича тўлиқ баёнот эълон қилади», – дейди Бобур Тўлаганов Kun.uz мухбири билан суҳбатда.

Олий суд раисининг матбуот котиби Азиз Обидов маҳкумларнинг қўлига писка қандай тушиб қолганига баҳо бериш суд органларининг ваколатига кирмаслигини айтди.

«Суд жараёнига судланувчи ва маҳбусларни олиб келиш ва олиб кетиш, шунингдек, уларни сақлаш, суд жараёнида уларнинг хатти-ҳаракатларига кўз-қулоқ бўлиш ички ишлар органларининг зиммасида. Маҳкумларнинг қўлига писка қандай тушиб қолганига баҳо бериш Олий суднинг ваколатига кирмайди. Бунга конвойни амалга оширувчи ички ишлар органлари масъул.

Судья суд залига махсус транспортда олиб келинган судланувчиларнинг ёнида нима бор-йўқлигини текширмайди», – дейди Азиз Обидов.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан