Bugun AOKA huzuridagi shtabda Sanitariya-epidemiologiya nazorati davlat inspeksiyasi bosh inspektori Nurmat Otabekov ishtirokida brifing o‘tkazildi.
Unda muhim savol va murojaatlar yuzasidan javob qaytarildi.

Savol: Issiq kunda niqob taqish qiyin bo‘lyapti. Qachon bu talab bekor qilinadi?

Javob: Infeksiya havo tomchilari orqali yuqishini hisobga olsak, niqob taqish kasallikni oldini olishda muhim ahamiyatga ega. Uni qoidalarga to‘liq rioya etgan holda taqish kerak (ya’ni har 3 soatda almashtirib).

Savol: Koronavirus asab tizimini ham shikastlashi rostmi?

Javob: Ha, koronavirus butun asab tizimini ishdan chiqarishga qodir. AQShda o‘tkazilgan tadqiqotga ko‘ra, COVID-19 aksariyat bemorlarda nevrologik jihatdan namoyon bo‘lgan.

COVID-19 ko‘plab sabablarga ko‘ra nevrologik disfunksiyaga, masalan, miyada kislorod yetishmasligi yoki qon ivishining buzilishiga, natijada ishemik yoki gemorragik insult kelib chiqishiga olib keladi.