Kecha AOKA shtabida Bosh davlat sanitariya inspektori Nurmat Otabekov ishtirokida brifing bo‘lib o‘tdi.

Brifingda muhim savol va murojaatlar yuzasidan javob qaytarildi.

Savol: Koronavirus odam organizmida sitomegalovirus yoki gepatit viruslari kabi uzoq muddat saqlanib qolishi mumkinmi? Immunitet pasayganda yoki gripp mavsumida qaytalanishi va asoratlari yangilanishi mumkinmi?

Javob: Olimlar koronavirus kasalligi faol shakldan surunkali shaklga o‘tishi mumkinligini taxmin qilishmoqda. Ehtimol so‘nggi bir necha oy ichida Xitoyda infeksiyaning qaytalanishi bunga sabab bo‘lgandir.

Rossiyalik mutaxassislarning yana bir gipotezasi shundaki, yangi shtamm yuqori tezlikda mutatsiyaga uchraydi va odam organizmi unga qarshi antitanachalarni ishlab chiqarishga ulgurmaydi, shuning uchun qayta kasallanish ro‘y berishi mumkin.

Shuningdek, qayta yuqtirganlik haqidagi ma’lumotlar test sinovlaridagi xatolar bilan bog‘liq bo‘lishi mumkin.