AOKA huzuridagi shtabda Mudofaa vazirligi matbuot kotibi Bahrom Zulfiqorov ishtirokida bo‘lib o‘tgan brifingda epid mavsum boshidan buyon qancha maydon dezinfeksiya qilingani aytildi.

Strategik-maxsus taktik o‘quv o‘tkazish rejasiga asosan joriy yilning 8 iyun holatiga ko‘ra, yig‘ma batalon va otryadlar kuchlari — 309 ta maxsus texnika, 11 089 ta dezinfeksiya apparati (jami 13052 kishi) bilan 20 ta shahar va viloyatdagi 36 ta tuman markazlarida dezinfeksiya ishlari o‘tkazildi.

Respublika miqyosida 49 998 ob’yektda jami 36 108 840 kvadrat metr maydon dezinfeksiya qilindi. Bu jarayonga 6 562 kg, jumladan Toshkent shahri uchun 2 639 kg dezinfeksiyalovchi vosita sarflandi.

O‘rtacha hisobda bir kunda mavsum boshidan 700 ming kvadrat metrdan ortiq joylarda dezinfeksiya ishlari olib borilmoqda.