Shimoliya Koreya yetakchisi Kim Jong In koronavirus tarqalishi fonida 22 kunda ilk marotaba jamoatchilikka ko‘rinish berdi. Shanba kuni u mamlakatning sobiq yetakchisi Kim Jong Ilning tug‘ilgan kuni munosabati bilan uning maqbarasiga tashrif buyurgan. Bu haqda mamlakat OAVsiga tayanib Reuters xabar bermoqda.
Kim Jong In Pxenyandagi Kumsusan Quyosh saroyida sobiq yetakchining xotirasiga hurmat bajo keltirdi, u oxirgi marta 25 yanvarda Yangi yilni nishonlash marosimida qatnashganidan beri jamoatchilikka ko‘rinmay kelayotgan edi.
Shimoliy Koreyada koronavirus bilan og‘rigan bemor qayd etilmagan, ammo davlat OAVsining xabar berishicha, koronavirus belgilari sezilgan fuqarolar uchun karantin muddati 30 kun qilib belgilangan.
Avvalroq Xitoyga tashrif buyurgan Shimoliy Koreya savdo vakili koronavirus tufayli otib tashlanganligi haqida xabar berilgan edi.