Dunyoda SOVID-19 kirib bormagan sanoqligina mamlakat qolgan. Shulardan biri Tonga Qirolligi edi. Tinch okeanida joylashgan mazkur orol-shtatda 106 ming kishi yashaydi. Ammo kecha koronavirus bu manzilni ham “zabt etdi”. Qirollikka sayohat uchun kelgan Yangi Zelandiya fuqarosida infeksiya aniqlanib u zudlik bilan karantinga olindi.
“Daily Mail”ning yozishicha, dunyoda pandemiya tarqala boshlangan kezlarda Tonga darhol o‘z chegaralarini yopib, zarur himoya choralarini kuchaytirgandi. Hatto aholini ommaviy emlash jarayoniga kirishilgandi. Shu tufayli mamlakatda kechagacha hech kimda ushbu xavfli kasallik aniqlanmadi.
Ayni paytda Tongo hukumati mamlakat sog‘liqni saqlash tizimi pandemiyaga dosh berolmasligidan jiddiy xavotirda. Shu sababli Qirollik hududida bugundan karantin e’lon qilinishi mumkin.