Bugun AOKA huzuridagi shtabda Koronavirusga qarshi kurashish shtabi a’zosi Sevara Ubaydullayeva ishtirokida bo‘lib o‘tgan brifingda muhim savollarga javob qaytarildi:
Savol: Kasallikdan sog‘ayganidan so‘ng qayta test o‘tkaziladimi?
Javob: Kasallikdan sog‘ayganidan so‘ng test topshirish shart emas.
Virusga qarshi antitanachalarni immunoglobulin G va M larni tekshirish muhim bo‘lib, bu tahlil asosida inson organizmida kasallikka qarshi immunitet hosil bo‘lganlikni bilish mumkin.
Savol: Koronavirus o‘pkadan tashqari boshqa a’zolarni ham jarohatlaydimi?
Javob: Kasallik kechishidan kelib chiqib, ya’ni yengil, o‘rta, o‘rta-og‘ir, og‘ir va o‘ta-og‘ir darajalarda koronavirus inson organizmida nafaqat o‘pka va nafas a’zolarini, balki oshqozon ichak tizimi, yurak-qon tomir tizimi va ma’lum darajada buyraklar hamda bosh miyani jarohatlashi mumkinligi keltirilgan.