20 avgust kuni kechqurun dunyoda koronavirus infeksiyasi (va koronavirus pnevmoniyasi) bilan kasallanganlar soni 22 473 382 kishini tashkil qildi. Buni Jon Xopkins universiteti ma’lumotlari tasdiqlaydi.

AQSh kasallanish holatlar soni bo‘yicha dunyoda yetakchidir - 5 540 022 kishi. O‘limning umumiy soni - 173 415, davolanganlar soni - 74 328 kishi. Qo‘shma Shtatlardagi COVID-19 qurboni bo‘lganlar soni Braziliya, Hindiston va Rossiyada ushbu xastalikdan vafot etganlar jami soniga deyarli teng, ular mos ravishda ikkinchi, uchinchi va to‘rtinchi o‘rinlarni egallashadi.

Hozirgi kunda Braziliyada kasallanishlar soni - 3 456 652, o‘lim holatlari - 111100, sog‘ayganlar - 2 801 931 kishi. Hindistonda kasallanganlar soni - 2 836 925, o‘lim holatlari - 53 866, tuzalganlar - 2 096 664 kishi. Rossiyada ushbu kasallikka chalinganlar soni 939 833, o‘lim holatlari - 16 058, tuzalishlar soni- 753 868 kishi. Beshinchi o‘rinda Janubiy Afrika. Bu mamlakatda 596 060 kishi koronavirusga chalingan. 12 423 kishi esa vafot etgan, 491 441 bemor davolangan.

RIA Novosti xabariga ko‘ra, Italiyada keskin o‘sish qayd etildi. Kunlik koronavirus bilan kasallanish soni 845 tga oshdi, bu 16 maydan beri eng yuqori ko‘rsatkich. Tasdiqlangan holatlarning umumiy soni 256 118 taga yetdi. Bir kun oldin ularning o‘sishi deyarli uch oylik rekordni yangiladi: 23 maydan beri 642 holatning dinamikasi qayd etilmagan edi. 

Yangi holatlarning aksariyati shimoldagi Veneto viloyatida qayd etildi, u yerda 159 ta yangi holat tasdiqlandi. Shuningdek, katta o‘sish poytaxt mintaqasi Latsio (+115) hamda Lombardiyada (+159) qayd etildi. Olti kishi kasallik qurboniga aylandi, vafot etganlarning umumiy soni 35 418 taga yetdi.

Yevropada ko‘plab yangi infeksiyalar Ispaniya va Fransiyada qayd etildi. Theolivepress.es xabariga ko‘ra, Ispaniyada kuniga taxminan 4 mingta yangi yuqtirish holatlari qayd etilgan. Madrid shahri infeksiyalar soni bo‘yicha yetakchi o‘rinlardan birini egallaydi.

Fransiya Sog‘liqni saqlash vazirligi so‘nggi 24 soat ichida 3776 holat haqida xabar berdi. Barcha epidemiologik ko‘rsatkichlar o‘sib bormoqda. Bu yuqtirish "barcha yosh guruhlariga, ayniqsa yoshlarga" ta’sir qilishini aniqlaydi.

Ukrainada COVID-19 virusini yuqtirganlar soni tez sur’atlar bilan o‘sib bormoqda. Mamlakat SSV ma’lumotlariga ko‘ra, kun davomida 2144 odamda infeksiya aniqlangan. Bemorlarning eng ko‘p soni Lvov viloyati, Kiyev va Rovne viloyatida qayd etildi. Tasdiqlangan koronavirus holatlarining umumiy soni 98 537 ga etdi.

Vaziyat Janubiy Koreyada ham xuddi shunday.

"Seulda koronavirusning yangi tarqalishi ro‘y berdi - chorshanba kuni u yerda 280 dan ortiq holat qayd etildi. Janubiy Koreya rasmiylariga ko‘ra, koronavirus yana mahalliy cherkovning ruhoniylari orasida tarqalishni boshladi", deb xabar beradi OAV. Bundan tashqari, yangi infeksiyalarning 80 foizdan ortig‘i mamlakatning eng zich joylashgan tumanlarida aniqlandi. Davlat idoralari diniy tadbirlarni taqiqladi, tungi klublar va karaoke barlarni yopib qo‘ydi.

O‘zbekistonda 20 avgust 23:30 holatiga ko‘ra, kasallanishlarning umumiy soni 37 693 ga yetdi. 33 442 bemor davolandi. 254 kishi vafot etgan.