2019 yil butun dunyoda atrof-muhitni saqlab qolish uchun o‘tkazilgan turli xil aksiyalar, namoyishlar, mitinglar bilan yodda qoldi. Hatto maktab yoshidagi shved faoli Greta Tyunberg BMT minbarlarida, dunyoning yetakchi davlatlari rahbarlari bilan uchrashuvlarda nutq so‘zlab, ularning e’tiborini iqlim o‘zgarishlariga qarata oldi (Time jurnali Gretaxonni "Yil odami" sifatida tanlagani ham bejiz emas). Amazonka, Avstraliya, Janubi-Sharqiy Osiyodagi o‘rmon yong‘inlarini ko‘rgach, dunyo hamjamiyati ham o‘z e’tiborini tabiatni asrashga qaratdi.
Ona tabiatni eng ko‘p ifloslantirayotgan vositalardan biri, shubhasiz plastikdan tayyorlagan buyuumlardir. Shu sababli dunyoning turli mintaqalarida "yashillar" harakatlari plastik buyumlarni butunlay iste’moldan chiqarish tarafdoriga aylandi. Hatto O‘zbekistonda ham shunday tashabbus bilan bir martalik foydalaniladigan selofan paketlarni bepul tarqatish taqiqlangan edi.
Lekin 2020 yilning kutilmagan ibtidosi barcha o‘yin qoidalarini o‘zgartirib yubordi. Dunyo yana plastikka ehtiyoj seza boshladi. Joriy yilning dastlabki yarim yilligida katta miqdorda plastik mahsulotlar: qo‘lqoplar, niqoblar hamda tibbiy ko‘zoynaklar ishlab chiqarila boshlandi. Shuningdek, bir martalik tozalash vositalari va suyuq sovunlardan foydalanish karrasiga ortdi. Quyida suratlar orqali butun dunyo plastik buyumlar orqali koronavirus pandemiyasiga qarshi qanday kurashayotganini hikoya qilamiz.
Kaliforniyada alohida-alohida "qutilarda" shug‘ullanayotgan sportchilar, AQSh
Bangkokdagi Praram 9 kasalxonasida yangi tug‘ilgan chaqaloq, Tailand
Yoxannesburgda gullar auksionidagi ishtirokchilar, JAR
Seuldagi Hyudai kredit kartalar kompaniyasi xodimlari tushlikda, Janubiy Koreya
Uxanda mototsikl haydab ketayotgan erkak, Xitoy
Granadada bozor qilib kelayotgan ayol, Ispaniya
Ansambl Vashingtonda jonli efirdagi konsertdan oldin ovozini tekshirmoqda, AQSh
Amritsar politsiyasi sherigining shaxsiy himoya vositasini to‘g‘rilab qo‘ymoqda, Hindiston
Parijdagi restoranda tushlik qilayotgan juftlik, Fransiya
Burburdagi qariyalar uyiga erini ko‘rish uchun kelgan ayol, Fransiya
Kamarma-de-Esteruelas shahrida tish shifokori va uning yordamchisi operatsiyaga hozirlik ko‘rmoqda, Ispaniya
Santorinidagi plyajda soyabon va quyosh chodirlar, Gretsiya
Virjiniyada salonini ochishga chog‘lanayotgan sartarosh, AQSh
Hanoydagi taksichi, Vetnam
Nikkodagi Kinugawa boshlang‘ich maktabi kutubxonasidagi bolakaylar, Yaponiya
Lvov shahridagi dorixonachilarning odatiyga aylanayotgan ish faoliyati, Ukraina
San-Pauludagi qariyalar uyidagi onasini quchayotgan qiz, Braziliya
Bangkokdagi bozorda chaqalog‘iga g‘amxo‘rlik qilayotgan ona, Tailand
Manchesterda tashlab ketilgan qo‘lqop, Buyuk Britaniya