Bugun AOKAda Koronavirusga qarshi kurash shtabi a’zosi Barno Abdusamatova ishtirokida brifing o‘tkazildi. Brifingda muhim savollar yuzasidan javob qaytarildi:
— O‘zbekistonda kasal ayollardan tug‘ilgan chaqaloqlarda koronovirus infeksiyasiga tekshiruv o‘tkaziladimi?
— Yangi tug‘ilgan chaqaloqni koronovirus infeksiyasiga tekshiruvi tug‘ilgandan so‘ng 12-24 soat o‘tgach amalga oshiriladi.
Natijalarni tasdiqlash uchun takroriy test 24 soatdan keyin amalga oshiriladi.
Tekshiruv uchun biomaterial sifatida burun-xalqum yoki og‘iz-xalqumdan surtma olinadi.
— Koronavirus infeksiyasi yuqtirgan bemorlar bepushtlikka chalinishlari mumkinmi?
— Koronavirus kasalligiga chalingan bemorlarda bepushtlik rivojlanishi isbotlanmagan.