Deep Knowledge Group kompaniyasi va notijorat tashkilotlarning konsorsiumi (Gonkongda 2014 yilda tashkil etilgan Deep Ventures Knowledge investitsiya fondiga tegishli) hisobotiga ko‘ra, O‘zbekiston koronavirusdan xavfsizlik darajasi bo‘yicha dunyoda 121-o‘rinni egalladi.
Hisobot katta ma’lumotlar bazasi asosida tayyorlangan. Tahlilchilar karantin samaradorligi, koronavirus holatlarini monitoring qilish va aniqlash, sog‘liqni saqlash tizimining tayyorgarligi va davlat tomonidan qabul qilingan choralar samaradorligi kabi omillar bo‘yicha 130 miqdoriy va sifat parametrlari va 11,400 dan ortiq ma’lumotlar elementlarini o‘rganishdi. Umuman olganda, mutaxassislar 200 mamlakatni o‘rganishdi.
Kuchli o‘nlikka Shveysariya, Germaniya, Isroil, Singapur, Yaponiya, Avstriya, Xitoy, Avstraliya, Yangi Zelandiya, Janubiy Koreya kiradi. So‘nggi o‘rinlarni Liberiya, Afg‘oniston, Chad, Mali, Ruanda, Janubiy Sudan egalladi.
Sharqiy Yevropa va Markaziy Osiyo mintaqasida O‘zbekiston o‘ninchi o‘rinni egalladi. Mintaqadagi davlatlar reytingi quyidagicha:
- Gruziya (39 o‘rin);
- Rossiya (61 o‘rin);
- Belarus (63 o‘rin);
- Ukraina (66 o‘rin);
- Qozog‘iston (71 o‘rin);
- Ozarbayjon (75 o‘rin);
- Armaniston (81 o‘rin);
- Moldova (82 o‘rin);
- Qirg‘iziston (108 o‘rin);
- O‘zbekiston (121 o‘rin);
- Tojikiston (124 o‘rin);
- Turkmaniston (131 o‘rin).
9 iyun 8:00 holatiga ko‘ra, O‘zbekistonda 4440 ta koronavirus holati qayd etilgan. 18 nafar bemor vafot etgan.