Bugun AOKA huzuridagi shtabda Koronavirusga qarshi kurashish shtabi a’zosi Nargiza Nurullayeva ishtirokida brifing bo‘lib o‘tdi. Brifingda koronavirus infeksiyasi bo‘yicha muhim savollar yuzasidan javob qaytarildi.
Savol: Koronavirusga chalinganda ko‘proq suv ichish to‘g‘risida maslahat berishyapti. Suv issiq holda ichilishi kerakmi yoki iliq bo‘lishi kerakmi?
Javob: Koronavirusga chalingan bemorlar 30-37 daraja atrofida suyuqliklarni ichishi mumkin.
Lekin bemorda isitma 38 daraja va undan yuqori bo‘ladigan bo‘lsa issiq ichimlik va suyuqliklarni ichish mumkin emas. Ovqatlar issiqligi ham 37-40 daraja bo‘lishi kerak.
Savol: Koronavirus bilan kasallanganda buyrak bilan bog‘liq muammolar ham yuzaga chiqishi mumkinmi?
Javob: Koronavirus infeksiya fonida surunkali buyrak kasalliklari avj olishi mumkin.
COVID-19 infeksiyasi og‘ir kechishida buyrak shikastlanishi kuzatiladi. Bundan tashqari o‘ta yuqori xavf toifasidagi bemorlar - bemorlar – bu dializ muolaja oluvchilar.
Buyrak patologiyasi bilan bog‘liq muammolarni oldini olish maqsadida shifokor tomonidan shunga tegishli laborator ko‘rsatkichlar nazorat qilinadi: misol umumiy peshob tahlili, kreatinin miqdori, koptokchalar filtratsiyasi va hokazo.
Savol: Koronavirus infeksiyani oldini olish maqsadida immunitetni oshiruvchi dori vositalarni qabul qilsa bo‘ladimi? Va qaysi dorilarni ichish mumkin?
Javob: Koronavirusga qarshi immunitetni oshiruvchi dori vositalar yo‘q. Lekin sog‘lom turmush qoidalariga rioya qilgan holda immunitetni mustahkamlash mumkin.