Yevropa koronavirus infeksiyasining yangi holatlari bo‘yicha yana bir bor AQShni ortda qoldirdi. Chorshanba kuni Yevropa Ittifoqining 27 mamlakatida 27 233 yuqtirish holatlari qayd etildi - AQShda esa 26 015 kishi COVID-19"ga chalingan edi, deb yozadi Bloomberg.

Yevropada yangi pandemiya avj olmoqda: virusni boshqa mamlakatlardan qaytib kelgan dam oluvchilar va karantinni tez-tez buzadigan yosh avlod tashishi mumkin. Ispaniya, Fransiya va boshqa Yevropa mamlakatlarida kasallikning ko‘payishi bir necha hafta davomida kuzatilmoqda.

Bu o‘limning keskin o‘sishiga olib kelmadi - bu borada AQSh hali oldinda. ECDC ma’lumotlariga ko‘ra, Yevropa chorshanba kuni 252 koronavirus o‘limi haqida xabar berdi, bu bahorda pandemiya avjiga chiqqan paytdan ancha past. Xuddi shu kuni Qo‘shma Shtatlarda koronavirusdan 169 kishi vafot etdi, ammo bu anomaliya: o‘tgan haftaning aksariyat qismida Qo‘shma Shtatlarda kunlik o‘lim soni 1000 kishidan oshdi.

AQSh va Yevropa o‘rtasida to‘g‘ridan-to‘g‘ri taqqoslash har doim ham to‘g‘ri emas, chunki aholi sonining (mos ravishda 330 million va 450 million), shuningdek sinov va hisobga olish usullarining farqi mavjud, deydi Bloomberg. Bundan tashqari, AQShda testlarning pasayishi va Yevropada esa o‘sish kuzatilmoqda.