Bugun AOKA huzuridagi shtabda Koronavirusga qarshi shtab a’zosi Sevara Ubaydullayeva ishtirokida brifing o‘tkazildi. Brifingda koronavirus infeksiyasi borasida aholidan kelgan savollarga javob qaytarildi.
— Immunitet qancha saqlanishi mumkin va qayta kasallanish mumkinmi?
— Koronovirusga qarshi immunitet ishlab chiqiladi, bu ANIQ.
AQSh davlatining epidemiolog mutaxassisi, professori fikricha, kasallanib tuzalganlarda immunitet hosil bo‘lishi 5 yilgacha yetishi mumkin ekan.
— Virus ichimlik suvi orqali yuqishi mumkinmi?
— Yo‘q, yuqmaydi. Ko‘plab tadqiqotlarga ko‘ra koronavirus havo tomchilari orqali yuqadi.
Shuningdek, ta’kidlash lozimki, virus turli muhitda, masalan, sovuq havoda, sovuq suvda 8-12 soatgacha yashovchanligini saqlab qolishi mumkinligi to‘g‘risida ma’lumotlar bor.