Buyuk Britaniyaning Esseks universiteti olimlari odamda koronavirus borligini yo‘tal ovozi bilan aniqlaydigan dastur yaratdilar, deb yozadi The Times’ga tayanib Mir24.

Dastur DeepCough3D deb nomlanadi. U sun’iy intellekt asosida ishlab chiqilgan. Ilova allaqachon Ispaniya va Meksikadagi shifoxonalarda yo‘talayotgan odamlarning deyarli 8,4 ming audio yozuvlarida sinovdan o‘tgan. Loyiha mualliflari o‘zlarining dasturlari odamda koronavirusning mavjudligini yoki yo‘qligini 98% hollarda to‘g‘ri aniqlagan deb da’vo qiladilar.

Ishlab chiquvchilarning fikriga ko‘ra, DeepCough3D oddiy yo‘tal va koronavirus sabab bo‘lgan yo‘tal o‘rtasidagi farqni sezadi. Olimlarning ta’kidlashicha, inson eshitish qobiliyati bu farqlarni ajrata olmaydi.

Ilova, shuningdek, odamning koronavirus bilan qanchalik yomon kasalligini aniqlashni biladi. Ushbu ma’lumotlar shifokorlarga tibbiy asbob-uskunalardan, masalan, shamollatish vositalaridan yanada yaxshiroq foydalanishga yordam beradi.