Hukumat qarori (435-son, 10.07.2020 y.) bilan, Yoshlar ishlari agentligi direktorining o‘rinbosarlari tayinlandi.
- Sarvar G‘aniyevich Ashurov Yoshlar ishlari agentligi direktorining birinchi o‘rinbosari lavozimiga;
- Dilnozaxon Sobir qizi Kattaxanova Yoshlar ishlari agentligi direktorining o‘rinbosari lavozimiga tayinlandi.
Shuningdek, hukumat qarori (436-son,10.07.2020 y.) bilan Shuxrat Munavvarovich Kadirov O‘zbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi bosh direktorining birinchi o‘rinbosari lavozimiga tayinlandi va unga agentlik direktori vazifasini bajarish yuklatildi.
Eslatib o‘tamiz, Agentlik Prezidentning 2019 yil 30 avgustdagi PF-5806-sonli Farmoni bilan tashkil etilgan bo‘lib, kosmik tadqiqotlar va texnologiyalar sohasida yagona davlat siyosati va strategik yo‘nalishlarni ishlab chiqish va amalga oshirish Agentlikning asosiy vazifalaridan biri hisoblanadi.