San-Xose yaqinidagi Xuan Santamariya xalqaro aeroportidan havoga ko‘tarilgan Boeing -757 samolyoti mexanik nosozlik tufayli 25 daqiqadan so‘ng favqulodda qo‘nishga qaytishga majbur bo‘ldi. Bu haqda "Hindustan Times" manbasi xabar bermoqda.

Payshanba kuni Kosta-Rikaga favqulodda qo‘nayotganda pochta va yuk paketlarni olib ketayotgan yuk samolyoti uchish-qo‘nish yo‘lagidan chiqib ketdi va ikkiga bo‘linib ketdi, bu esa San-Xosedagi xalqaro aeroportning vaqtincha yopilishiga sabab bo‘ldi.

Kosta-Rika o‘t o‘chiruvchilar boshlig‘i Ektor Chavesning aytishicha, bortdagi ikki ekipaj a’zosi «salomatliklari yaxshi».

Qizil Xoch xodimi Guido Vaskesning so‘zlariga ko‘ra, shunga qaramay, gvatemalalik juftlik «tibbiy ko‘rikdan o‘tish uchun» ehtiyot chorasi sifatida kasalxonaga yuborilgan.

Baxtsiz hodisa San-Xose yaqinidagi Xuan Santamariya xalqaro aeroportidan havoga ko‘tarilgan Boeing -757 samolyoti mexanik nosozlik tufayli 25 daqiqadan so‘ng favqulodda qo‘nishga majbur bo‘lganidan keyin ertalab soat 10:30 (GMT 16 30) da ro‘y berdi. 

Ekipaj mahalliy hokimiyatni gidravlik muammo haqida ogohlantirgan.

Baxtsiz hodisa yuzlab reyslar va 8000 dan ortiq yo‘lovchilarga ta’sir ko‘rsatib, mamlakatning eng katta aeroportida soat 17:30 ga qadar ishlamay qoldi.

Aeroportni boshqaradigan Aeris davlat kompaniyasining bosh menejeri Rikardo Ernandesning aytishicha, aeroportdagi holat hozirda kelayotgan va ketayotgan yo‘lovchilar uchun ham normal holatga kelib bo‘lgan.

Hozirda samolyotning aynan nima uchun halokatga uchragani haqida qo‘shimcha ma’lumot berilmadi.