Yaponiyaning janubi-g‘arbidagi kuchli yog‘ingarchilik tufayli, Kumamoto prefekturasida 145 ming odamni evakuatsiya qilish tavsiya qilindi va e’lon qilindi. Bu haqda mahalliy NHK telekanaliga tayanib RIA Novosti xabar bermoqda.

Kagosima va Kumamoto prefekturalarida yomg‘ir tufayli eng yuqori darajadagi, beshinchi darajadagi xavf e’lon qilindi. Ushbu daraja mahalliy aholi uchun "Hayotingizni asrang!" degan ma’noni anglatadi. Metrologiya xizmatining ogohlantirishicha, yomg‘ir shu darajada kuchli bo‘ladiki, mahalliy aholi hayoti davomida bunaqasini ko‘rmagan. Kumamoto prefekturasida 80 ming odamni zudlik bilan evakuatsiya qilish to‘g‘risida qaror qabul qilindi. Yana 65 ming kishini ham ko‘chirish tavsiya qilinmoqda.

Voqea joyidan daryolarning toshishi hamda ko‘chkilar yuzaga kelgani haqida xabar berildi. O‘lganlar va jabrlanganlar to‘g‘risida ma’lumot mavjud emas.