Bugun erta tongda KXDR va Janubiy Koreya chegarasida otishma yuz berdi. Bu haqda “Renxap” agentligi xabar bermoqda.
Xabarga ko‘ra, o‘q uzishlar mahalliy vaqt bilan soat 07:41 da demarkatsiya chizig‘ining markaziy qismida Janubiy Koreyaning kuzatuv punkti tomon yo‘naltirilgan.
Qisqa vaqt davom etgan otishmada qurbonlar yoki yaralanganlar bo‘lmagan.
Birlashgan shtab boshliqlari qo‘mitasining ma’lum qilishicha, Janubiy Koreya harbiylari shay holatda bo‘lib, sodir bo‘lgan voqea sababini aniqlash bo‘yicha ishlar olib bormoqda. Ta’kidlanishicha, bu kabi hodisalarning qaytarilmasligi uchun kerakli barcha choralar ko‘riladi.