Kecha, Chempionlar Ligasi 1/8 finali javob bahsida turnirning amaldagi g‘olibi «Liverpul» o‘z uyida «Atletiko»ni qabul qilib, asosiy vaqtda minimal hisobda ustun keldi. Lekin dramatik tarzda o‘tgan qo‘shimcha bo‘limlarda Markos Lorentening dubli va Alvaro Morataning goli evaziga Madrid klubi 1/4 final yo‘llanmasini qo‘lga kiritdi. Liverpul – Atletiko 2:3
Gollarni Liverpuldan Veynaldum (43), Firmino (94) urgan bo‘lsa, Atletikodan Lorentening dubli (97, 105+1) va Morata (120+1) javob qaytardi.
Eslatib o‘tamiz, birinchi o‘yinda ham Liverpul 0:1 hisobida mag‘lub bo‘lgan edi.