Belarus prezidenti Aleksandr Lukashenko koronavirus pandemiyasidan ogohlantirishdan so‘ng ham mamlakatdan xorijga chiqib ketgan fuqarolarga qarshi fikrlarini bayon qildi. Bu haqda Belta axborot agentligi xabar berdi.
Prezidentning so‘zlariga ko‘ra, Belarus hukumati aholidan koronavirus bilan bog‘liq qaltis vaziyatda vatanni tark etmaslik haqida so‘ragan. Lekin ko‘pchilik bunga quloq solmagan. Shu munosabat bilan u bunday vatandoshlarni orqaga qaytarish uchun charter reyslar tashkil etilmasligini e’lon qildi.
"Ogohlantirishdan so‘ng ham ketib qolganlarga - hech qanday charter yo‘q. Qayerga ketgan bo‘lsalar - o‘sha yerda o‘tirishsin", - dedi Lukasheno.
Oxirgi ma’lumotlarga ko‘ra, Belarusda koronavirusga chalinganlar soni 76 kishini tashkil etmoqda.