Madinai Munavvarada yuz bergan yo‘l-transport hodisasi natijasida o‘ttizdan ortiq kishi halok bo‘ldi
17.10.2019 11:34,
775
Saudiya axborot agentligiga ko‘ra Madinai Munavvara viloyatida avtobus va yuk mashinasi to‘qnashuvi natijasida 35 kishi halok bo‘lib, to‘rt kishi jarohatlandi.
Xavfsizlik kuchlaridagi manbaning aytishicha, qurbonlarning barchasi Saudiya Arabistonida yashash ruxsatnomasiga ega bo‘lgan Osiyo va Arab davlatlari fuqarolari bo‘lgan.
Ijtimoiy tarmoqlarda ushbu avtohalokat va uning natijasida kelib chiqqan yirik yong‘inni tasvirlovchi videolar tarqalgan.
Saudiya axborot agentligi xabarida ushbu avtobusda 39 kishi ketayotgani, avtohalokat Madinai Munavvara viloyatining janubidagi Al-Akhal tumanida 16 oktyabr kuni kechki 19:00 atrofida ro‘y bergani aytilgan.