Respublikamizda 2020 yilning 18 may kunidan mahalliy yo‘nalishlarda avia va temir yo‘l qatnovlariga ruxsat berish bo‘yicha vaqtinchalik tartibi e’lon qilindi. Mazkur tartibga muvofiq avia va temir yo‘l xizmatidan foydalanish istagida bo‘lgan yo‘lovchilardan koronavirus infeksiyasiga test topshirgani, tahlil olinganiga 120 soatdan ko‘p bo‘lmagan, manfiy tahlilli ma’lumotnoma talab qilinadi.
Sog‘liqni saqlash vazirligi huzuridagi Sanitariya-epidemiologik osoyishtalik agentligining 2020 yil 16 maydagi № 74-F sonli buyrug‘iga asosan koronavirus infeksiyasi tahlili uchun 224 ming 415 so‘m miqdorida pullik xizmat ko‘rsatiladi va 24 soat davomida ma’lumotnoma yozib beriladi. Ushbu ma’lumotnomasiz onlayn orqali chipta xarid qilishga ruxsat berilmaydi.
Aeroport va vokzallarda yo‘lovchilarning tana harorati o‘lchanadi. Harorati 37 darajadan yuqori bo‘lmagan yo‘lovchilar dezinfektorlar yordamida zararsizlantiriladi. Bir martalik himoya niqobi va qo‘lqoplarda transportga chiqariladi. Yuqori haroratdagi yo‘lovchilarga aeroport va temir yo‘l xizmatidan foydalanishga ruxsat berilmaydi.
Yo‘lovchilar aeroport va temir yo‘l vokzallarida ijtimoiy masofani saqlagan holda, yo‘naltiruvchi maxsus tasmalar bo‘ylab harakatlanishi shart. Umumiy ovqatlanish, xizmat ko‘rstaish va savdo shaxobchalarining foaliyat yuritishiga yo‘l qo‘yilmaydi.
Qatnov vaqtida samolyot salonida yoki vagonlar bo‘ylab xarakatlanish ta’qiqlanadi. Manzilga yetguncha bir martalik himoya niqoblari va qo‘lqoplarni yechishga ruhsat berilmaydi, hojatxona hamda tamburlarda to‘planishga yo‘l qo‘yilmaydi.