Malayziyaning sobiq qiroli Muhammad V rossiyalik model, “Miss Moskva-2015” go‘zallik tanlovi g‘olibi Oksana Voyevodinaga uylanganidan afsusda ekanini bildirdi. Bu haqda Kelantan saroyiga iqtibosan Daily Mail xabar qilmoqda.
Muhammad V shaxsiy hayotida katta xato qilgani, xotini sabab taxtdan voz kechganidan afsusdalini ta’kidlagan.
Shuningdek, uning internetda shaxsiy hayotiga oid rasmlar va yolg‘on ma’lumotlar tarqalib ketganidan ham jahli chiqqan.
Avvalroq “Moskva go‘zali” sobiq qirol bilan ajrashayotganini ma’lum qilgan edi.
O‘tgan yil noyabr oyida Muhammad V va Oksan Voyevodina turmush qurishgan. Ungacha rossiyalik sohibjamol islom dinini qabul qilgan va o‘ziga Rixana ismini olgan. To‘y marosimi Moskva viloyatidagi Luxury Village Barvixa konsert zalida o‘tkazilgan.
21 may kuni oilada o‘g‘il farzand tug‘ilgan, uning ismini Tenku Ismoil Leon Petr Bin Tenku Muhammad V Faris Petr deb qo‘yilgan.