10 mart kuni Sanitariya-epidemiologik osoyishtalik va jamoat salomatligi xizmati boshlig‘i Bahodir Yusupaliyev ishtirokida brifing bo‘lib o‘tdi. Bu haqda Sog‘liqni saqlash vazirligining Matbuot xizmati ma’lum qildi.
Unda ma’lum qilinishicha, mamlakatimizda har kuni 20-40 kishida koronavirus aniqlanmoqda. Tahlillarga ko‘ra, oxirgi 3-4 haftada kasallanish ko‘rsatkichi birmuncha pasaygan.
Hozirda ikkita asosiy yo‘nalishda ish olib borilyapti:
1) emlash jarayonini tashkil etish. Bunda moddiy-texnika bazasi, kadrlar salohiyati va muzlatkich zanjirini saqlash masalasi ko‘zda tutilgan;
2) vaksinalarni xarid qilish.
3168 ta emlash punkti va 860 dan ziyod mobil brigada tashkil etilgan. Bu yo‘nalishda zarur vositalar uchun 6 milliard so‘mdan ziyod mablag‘ ajratilgan va xarid jarayonlari amalga oshirilmoqda.
10 ming nafardan ortiq vaksinator, patronaj hamshiralari, 33 ming nafardan ortiq shifokor emlash jarayoniga tayyorgarlik ko‘rishgan