UYeFA “Manchester Siti” klubini moliyaviy feyr-pley qoidalarini buzgan deb topdi va yevrokuboklardan ikki mavsumga chetlatdi.
UYeFAning rasmiy xabariga ko‘ra, klub 30 million yevro miqdorida jarimaga ham tortilgan. “Manchester Siti” 2012-2016 yillarda homiylardan olgan daromadlarini oshirib ko‘rsatib, litsenziyalash va moliyaviy feyr-pley qoidalarini jiddiy tarzda buzgan va bu bilan UYeFAni chalg‘itgan.
Shuningdek, bu qaror ustidan “Manchester Siti” Sport arbitraj sudiga shikoyat berishi mumkinligi ma’lum qilindi.