2 mart dushanba kuni Filippin poytaxti Maniladagi V-Mall savdo markazida ishidan ayrilgan norozi qo‘riqchi bir kishini otib o‘ldirdi va 30 ga yaqin odamlarni garovga oldi, deb xabar beradi mahalliy OAV va politsiya matbuot markazi.

San-Xuan meri Frensis Zamoraning ABS-CBN telekanaliga bergan ma’lumotiga ko‘ra kamida bir kishi otib o‘ldirilgan.

Savdo markazining elektronika va kiyim-kechak do‘konlar sektori politsiya tomonidan o‘rab olingan. Do‘konlar atrofidagi odamlar xavfsiz ravishda evakuatsiya qilindi, ammo qurollangan shaxs 30 ga yaqin garovga olinganlarni ushlab turibdi.

Biz hozirda bu odam bilan muzokaralar olib borayapmiz, dedi shahar hokimi.

Qurollangan hujumchi Grenxilldagi V-Mall da ishlagan va ishdan bo‘shatilganidan xafa bo‘lganini va  ma’lumotlarga ko‘ra u o‘zi bilan granata ham olib yurganligini qo‘shimcha qildi.