FF91 yangi elektrli krossoveri CES ko‘rgazmasida namoyish etilishi chog‘ida mualliflarini xijolatga qo‘ydi, deb yozmoqda carzone.uz.

“Tesla”ning raqobatchisi bo‘lishi kutilayotgan elektromobilning rulida taqdimot vaqti kompaniyaning bosh sarmoyachisi Szya Yuetin o‘tirdi.

Mashinaning imkoniyati namoyish etilayotganda elektrokar avtoturargohga mustaqil joylandi. To‘g‘ri, buning uchun ikki marta uringanini aytib o‘tish kerak. Ekspertlar mashina qiyomiga yetmagan va texnik takomillashtirilishi zarur deb hisoblaydi. Yuetin avtopilot tizimini ishga tushirishi ham oson bo‘lmadi. Funksiya yoqilgach, mashina “qotib qoldi” va buyruqlarga bo‘ysunmay qo‘ydi.

Faraday Future rahbariyati buning sababi pavilon tomining o‘ziga xos tuzilishidir, deb izohlashga urindi. Tom elektromobilga uzatilayotgan signallarni yutib yuborayotgan bo‘lishi mumkin.