5 mart, payshanba kuni Markaziy bank raisi Mamarizo Nurmuratov boshchiligida bankning navbatdagi Boshqaruv yig‘ilishi o‘tkazildi.

Yig‘ilishda Markaziy bank asosiy stavkani yillik 16 %da saqlab qoldi. Bu haqda bank raisi Mamarizo Nurmuratov ma’lum qildi.

Markaziy bank rahbarining so‘zlariga ko‘ra, ushbu qaror tartibga solinadigan tariflarning liberallashtirilishi va koronavirus bilan bog‘liq noaniqliklar ortishi bilan bog‘liq.

Bozor narxiga bir martalik o‘tish inflyasiyaga ma’lum bir qisqa muddatli ta’sir ko‘rsatishi mumkin, ammo bu, o‘z navbatida, ishlab chiqarish jarayonlarini rivojlantirish, respublika hududlarida energiya manbalaridan foydalanish imkoniyatlarini oshirish va tovarlar va xizmatlarni yetkazib berish hajmini oshirish yo‘lidagi muammolarni hal qilish uchun sharoit yaratadi.