Markaziy bankning “2019 yil III chorakdagi aholi va tadbirkorlik sub’yektlarining inflyasion kutilmalari” hisobotiga ko‘ra, aholi O‘zbekistonda dollar narxi joriy yil oxiriga borib 9837-9895 so‘mgacha bo‘lishini kutmoqda.
«So‘rov ishtirokchilarining valyuta kursi bo‘yicha kutilmalari kelgusi davrlarda milliy valyutaning tebranuvchanlik darajasiga nisbatan noaniqlik ta’siri ostida shakllandi», - deyiladi hisobotda.
Shunday qilib, aholining 2019 yil yakuniga ayirboshlash kursi bo‘yicha kutilmalari sentyabrda o‘rtacha 1 AQSh doll. 9 837 so‘mga, tadbirkorlar kutilmalari esa o‘rtacha 1 AQSh doll. 9 895 so‘mga teng bo‘ldi.
MB so‘rovida butun respublika bo‘ylab 900 nafar jismoniy shaxs hamda 375 nafar yuridik shaxs ishtirok etdi.