O‘zbekiston Respublikasi Markaziy bankida joriy yilning 28 noyabr kuni “Diniy ekstremizm va terrorizm – mamlakat taraqqiyotiga va xavfsizligiga tahdid” mavzusida ma’rifiy seminar o‘tkazildi. Bu haqda Markaziy bank matbuot xizmati xabar bermoqda.

Seminarda O‘zbekiston Musulmonlari idorasi Toshkent shahar vakili, Toshkent shahar Bosh imom xatibi N.Xoliqnazarov, Markaziy bankning Respublika apparati, Markaziy bank tasarrufidagi korxona va tashkilotlar, Toshkent shahar hamda Toshkent viloyat bosh boshqarmasi rahbar xodim va mutaxassislari ishtirok etdi.

Seminarda Toshkent shahar bosh imom xatibi ma’ruza qilgan. Shuningdek, tadbirda ommaviy axborot vositalarida uchrayotgan, diniy ekstremizm hamda xalqaro terrorizm bilan bog‘liq bo‘lgan asosiy atamalarga chuqur izoh va keng sharh berilgan va ogohlikka va hushyorlikni kuchaytirishga chaqirilgan.