Senat raisining birinchi o‘rinbosari Sodiq Safoyev «Nima uchun mintaqa davlatlari MO Ittifoqini yaratish masalasini ko‘rib chiqmaydi», degan savolga javob berdi.
«Integratsiyaning asosiy tarkibiy qismi bu davlat va iqtisodiy tuzilishning umumiy tamoyillari, qadriyatlar va uyg‘un mexanizmlari hisoblanadi. MO davlatlarida bu mavjud emas. Shunga qaramasdan, juda katta qiziqish bor, biroq bu masalani ko‘tarishga hali vaqtli», — dedi u.
«O‘zbekistonning tashqi siyosatidagi eng asosiy yutuqlaridan biri — so‘nggi 4 yil ichida mintaqa mamlakatlarining ishonchli hamkorligini tiklashga muvaffaq bo‘lgani, deb o‘ylayman. 5−6 yil oldin havoda dushmanlik, shubha va qandaydir agressiya shabodasi esib turar edi. Hozirda biz dialogni tiklashga erishdik», — dedi Safoyev.
Senator delimitatsiya va demarkatsiya jarayonini yakunlamasdan turib, O‘zbekistonda mustaqil davlat shakllanishi yoki tranzit davrning yakunlanishi haqida gapirishga erta ekanini ham aytdi.