O‘zbekiston terma jamoasi va "Al-Nassr" Saudiya yarim himoyachisi Jaloliddin Masharipov bir nechta Osiyoning top klublari qiziqish doirasiga tushib qoldi - deya xabar bermoqda "Sports.uz" nashri.
"Al-Nassr" Jaloliddinni qishda "Paxtakor"dan xarid qilib, 5 oyga BAAning "Shabab Al-Ahli" jamoasiga ijaraga bergan edi.
Ma’lum bo‘lishicha, saudiyaliklar ijara muddati yakunlangach, Masharipovni ortga qaytarmoqchi. Shu bilan birga, legionerimiz transferini "Shabab Al-Ahli" ham sotib olishga tayyor. Qolaversa, futbolchiga BAAning yana bir nechta jamoalaridan taklif bor. Jumladan, "Sharja", "Al-Ayn" va "Al-Jazira" klublari yarim himoyachini xarid qilmoqchi.
Ma’lumot uchun, 27 yoshli futbolchi BAA chempionatida 12ta o‘yinda maydonga tushib, 1ta gol urgan va 5ta golga hammualliflik qilgan.