Amerikalik milliarder, SpaceX asoschisi Ilon Mask yakshanba kuni kechqurun insoniyatning fazoni batafsil o‘rganishi zarurligi hamda galaktikamizda bizdan boshqa ongli mavjudotlar borligi haqidagi munozaralarda qatnashdi. U Texasda bo‘lib o‘tgan Marsga uchishi rejalashtirilayotgan yangi raketasi StarShip taqdimotida shunday dedi:

“Biz yagona ongli mavjudotlarmiz. Hayotning boshqa shakllari ham bo‘lishi mumkin, ammo biz ularning izlarini ko‘rmadik. Men o‘zga sayyoraliklarning biron bir alomatni ko‘rmadim”.

Uning so‘zlariga ko‘ra, yaqinda Internetda tarqalgan «51-zona» deb nomlangan hududda harbiylar o‘zga sayyoraliklarni yashirmoqda degan gaplar shunchaki mish-mish xolos.

Ilon Mask kosmik tadqiqotlarga qiziqishi bilan mashhur, u o‘z nutqida insoniyatni «kosmik sivilizatsiya»ga aylanishga va kosmik parvozlarni havo orqali sayohat qilish imkoniyati yaratishga chaqirdi.

Uning eslashicha, Quyosh Yerni vayron qilishiga atigi yetti yuz million yil qolgan va shuning uchun insoniyat Mars kabi sayyoralarda barqaror aholi punktlarini barpo etishga intilishi kerak.

Starship konsepsiyasi birinchi bo‘lib 2016 yil sentyabri paydo bo‘lgan edi. Super Heavy raketasi Raptor 37 dvigateli bilan jihozlangan va quruqlikka yoki okeandagi maxsus barjaga vertikal qo‘nishi mumkin. 2018 yilda birinchi marta nomi e’lon qilingan Starship bu kabi oltita dvigatel bilan jihozlanadi.

Maskning so‘zlariga ko‘ra, kema olti oy ichida ilk marotaba Yer orbitasiga chiqarilishi mumkin. Agar hamma narsa rejaga muvofiq bo‘lsa, birinchi ommaviy uchishlar keyingi yilda amalga oshirilishi mumkin.

Sentyabr oyining boshida SpaceX yangi Raptor kislorodli metanli dvigatel yordamida 150 metr balandlikka ko‘tarilgan Starhopper demonstratorining sinov parvozlarini amalga oshirdi.