Mavritaniya mamlakat hududida koronavirus (Kovid-19) bilan kasallanganlar qolmaganligini ma’lum qildi.

Sog‘liqni saqlash vazirligining xabariga ko‘ra, Mavritaniyada shu kungacha 7 kishida koronavirus aniqlangan va ularning oxirgi 2 nafari ham sog‘aygan.  

Xabarda Kovid-19 kasallari bilan yaqin bo‘lgan 752 kishi karantinda saqlanganligi ham aytib o‘tilgan.

Vazirlik bergan ma’lumotlarga ko‘ra mamlakatda shu kungacha 913 ta test qilingan, testlar natijasida 4 nafar ayol va 3 erkak kasallanganligi aniqlangan. Kasallardan biri vafot etganligini eslatib o‘tilgan.