Meksikada ro‘y bergan zilzila natijasida qurbonlar soni 10 kishiga yetdi. Bu haqda "Gazeta" nashri xabar bermoqda.
Oaxaka shtatidagi vayronalar ostida qutqaruvchilar yana uch kishining jasadini topdilar.
Marhumlarning ikkitasi Osolotepekdagi uyning ostidan topilgan, uchinchi kishi Sola de Vega shahridagi ko‘chki oqibatida vafot etgan. OAV xabarlariga ko‘ra, qurbonlardan biri 15 yoshli.
23 iyun kuni Meksika janubida 7,4 magnitudali zilzila yuz berdi. Meksikalik seysmologlar shuningdek 440 dan ortiq yer silkinishlarini qayd etishdi. AQSh Sunamidan ogohlantirish milliy markazi Meksika, Gvatemala, Gonduras va Salvadorning g‘arbiy sohillarida xavf borligini ma’lum qildi.