Meksikalik olimlar yangi aeroport qurilish joyidan mamont qoldiqlari va ispanlar bosqiniga qadar bo‘lgan davrga tegishli dafn qilingan odamlar jasadini topdilar. Bu haqda Meksika antropologiya va tarix milliy institutiga tayanib "Gazeta" nashri xabar bermoqda.

Qayd etilishicha, mutaxassislar 15 kishining skeletlari va 60 ga yaqin mamontlarni topdilar. Ular allaqachon qoldiqlarni qayta tiklashgan va undan Meksika havzasi evolyusiyasini o‘rganishni rejalashtirmoqdalar.

Topilgan odamlar, arxeologlar fikricha, dehqonlar bo‘lishgan. Ular aholi punkti yaqiniga qozonlar va loy haykalchalar bilan birga dafn etilgan. Topilgan sopol buyumlar ushbu manzilgoh eramizning VIII-X asrlariga taalluqli ekanligini ko‘rsatadi.