«Barselona» hujumchisi Lionel Messi La Liganing 18-turidan o‘rin olgan «Granada» (4:0) bilan o‘yinda dublga erishdi. Kataloniyaliklar sardori ikkinchi to‘pini jarima zarbasidan kiritdi. Bu orqali argentinalik futbolchining faoliyati davomida jarimadan urgan gollari 48taga yetdi va u ushbu ko‘rsatkich borasida doimiy raqobatchisi, «Yuventus» forvardi Krishtianu Ronalduni (47) ortda qoldirdi.
    Shuningdek, Messi Ispaniya chempionati tarixida qatorasiga 15ta mavsumda kamida 10tadan to‘p kiritgan birinchi o‘yinchiga aylandi.