MIB «Ilhom» teatri yonidagi binoni auksionga qo‘ydi
24.12.2021 13:15,
120
Lotning boshlang‘ich bahosi — 37,32 mlrd so‘m. Arizalar 22 yanvargacha qabul qilinadi — bu haqda ’Spot’ xabar bermoqda.
Majburiy ijro byurosi «Ilhom» teatri yonidagi binoni auksion savdosiga qo‘ydi.
5 qavatli bino 0,15 gektar maydonda joylashgan. 2019 yil iyul oyida qurilgan binoning umumiy maydoni 4 429 kv.metrni tashkil etadi.
Lot tavsifida aytilishicha, binolar ta’mir talab. Suratlarga qaraganda, ob’yekt qurilishi to‘liq yakunlanmagan.
Lot xo‘jalik sudi tomonidan sotuvga qo‘yilgan (4−1001−2104 / 3461-sonli ijro hujjati). Bino avval sotishga harakat qilingan, ammo MIB talabiga binoan savdodan olib tashlangan.
Boshlang‘ich baho — 37,32 mlrd so‘m. Arizalar 22 yanvargacha qabul qilinadi, auksion 24 yanvar kuni bo‘lib o‘tadi.