MIB tomonidan savdoga chiqarilgan mulk o‘z narxidan 17 barobar qimmatga sotildi
30.06.2020 17:02,
643
30 iyun, seshanba kuni auksion savdolariga Toshkent shahridagi sobiq zavod hududi hamda mazkur binodagi tekstil ishlab chiqarish uskunalari savdoga qo‘yildi. Bu haqda Davlat aktivlarini boshqarish agentligi matbuot xizmati xabar berdi.
Boshlang‘ich bahosi 750 mln. so‘m bo‘lgan mulk Uchtepa tumani, Dilkash 2-uyda joylashgan. Ushbu mulk Majburiy ijro byurosi buyurtmasiga asosan savdoga chiqarilgan.
Kim oshdi savdolarida 15 nafar talabgor ishtirok etdi. Mulk narxi 796 qadamda oshirilib, 12,7 mlrd. so‘mga sotildi.