Xalqaro press-klubning Sardoba voqealariga bag‘ishlangan sessiyasida Milliy gvardiya Sirdaryo viloyati boshqarmasi boshlig‘i Ilyos Erbo‘tayev ham ishtirok etdi.
Uning aytishicha, tekshirish jarayonida kuchli suv oqimi ostida kapitan Sanjar Ibragimov, Suyunov Hazrat va Suyarov Husniddinlar oqib ketgan.
Kapitan Ibragimov Bobur MFY hududida oqimdan chiqib olgan.
Serjant Suyarov Husniddinning jasadi 3 may kuni taxminan 8:00 da Oqoltin tumani Ohillik qishlog‘i «Kichik Bobur» mahallasidan topilgan.
Oddiy askar Suyunov Hazrat hali topilmadi.