Joriy yilning 9 avgust kuni soat 8:20 lar chamasi Xorazm viloyati Urganch shahar bo‘ylab jamoat tartibini saqlash uchun patrullik xizmatiga jalb qilingan Milliy gvardiya harbiy xizmatchilari xizmat yo‘nalishida bo‘lgan Xonqa ko‘chasida bir fuqaroning yo‘l chekkasida o‘tirgani va qo‘li qonga belanganini ko‘rib qolgan.

Milliy gvardiya xodimlari unga zudlik bilan birlamchi yordam ko‘rsatgan holda, tez tibbiy yordam mashinasi orqali shifoxonaga olib borishgan.

O‘rganish ishlari natijasida, ushbu fuqaro Urganch shahri Namangan ko‘chasida yashovchi 1972 yilda tug‘ilgan L.A. ekanligi aniqlanib, qo‘l tomirini o‘zi kesganligi ma’lum bo‘lgan.

Hozirda mazkur holat yuzasidan Urganch shahar IIB xodimlari tomonidan surishtiruv ishlari olib borilmoqda.