O‘zbekiston huquqni muhofaza qiluvchi organlar tizimida bir qator o‘zgarishlar sodir bo‘ldi.
Ichki ishlar vazirligi matbuot xizmatining xabar berishicha, polkovnik Toshpo‘latov Aziz Anvarovich O‘zbekiston Respublikasi Ichki ishlar vaziri o‘rinbosari — Toshkent shahar IIBB boshlig‘i lavozimiga tayinlandi.
Tayinlovga qadar A.Toshpo‘latov, O‘zbekiston Respublikasi Ichki ishlar vazirining birinchi o‘rinbosari lavozimida faoliyat yuritgan.
General-mayor Sobirov Shuxratjon O‘rinboyevich esa O‘zbekiston Respublikasi Ichki ishlar vazirining birinchi o‘rinbosari lavozimiga tayinlandi.
Tayinlovga qadar Sh.Sobirov, Andijon viloyati IIB boshlig‘i lavozimida faoliyat yuritgan.
O‘zbekiston Respublikasi IIV O‘z xavfsizligi boshqarmasi boshlig‘i o‘rinbosari lavozimida faoliyat yuritgan polkovnik Tasbayev Azat Damirovich esa Andijon viloyati IIB boshlig‘i lavozimiga tayinlandi.
Shuningdek, general-mayor Jo‘rayev Rustam Mirzayevich O‘zbekiston Respublikasi Milliy Gvardiyasi qo‘mondoni lavozimiga tayinlandi.
Tayinlovga qadar Rustam Jo‘rayev O‘zbekiston Respublikasi Ichki ishlar vaziri o‘rinbosari — Toshkent shahar IIBB boshlig‘i lavozimida faoliyat yuritgan.