Belarusda so‘nggi yillarda bo‘lib o‘tgan eng janjalli prezident saylovlarida asosiy ovoz berish kuni boshlandi. Odamlar poytaxt Minskda harbiy texnikalar kirganini ko‘rdi va politsiya kuchaytirilgan ish rejimiga o‘tkazildi. Markaziy Saylov Komissiyasi muddatidan oldin ovoz berishda rekord darajada ishtirok etganliklarini ma’lum qildi. Hozir Belarusda bo‘lib turgan RBK muxbirining so‘zlariga ko‘ra, mamlakatda internet bilan jiddiy muammolar kuzatilyapti. Twitter, Google, Facebook ochmayapti, mobil internet ishlamayapti.
Belorusda soat 8:00 da (10:00 tshv) oltinchi prezident saylovlari uchun saylov uchastkalari ochildi. Belaruslar soat 20:00 gacha ovoz berishlari mumkin, MSK yarim tunda birinchi saylov natijalarini e’lon qilishi kutilyapti.
Segodnya nochyu v sentre Minska zametili voyennuyu texniku. pic.twitter.com/D5utbSFgz5
— TUT.BY (@tutby) August 8, 2020
Ovoz berish kunidan bir kun oldin kechqurun Minsk ko‘chalarida harbiy texnikalar paydo bo‘ldi: video mahalliy TUT.BY portaliga o‘quvchilar tomonidan yuborildi. Shuningdek, Belorusning Nexta Live Telegram kanalida tomonidan harbiy transport vositalari suratlari nashr etilgan: u harbiy texnikalar va zirhli mashinalar Minskka kirish joylarida ekanligini yozgan. Belorus militsiyasi kuchaytirilgan ish rejimiga o‘tkazildi. TUT.BY xabariga ko‘ra, Minsk markazidagi Oktyabrskaya maydonida to‘siqlar paydo bo‘lgan.
9 avgust kuni ertalab Belorus Markaziy saylov komissiyasi muddatidan oldin ovoz berish natijalari to‘g‘risida ma’lumotlarni e’lon qildi: 4 avgustdan 8 avgustgacha bo‘lgan besh kun ichida saylovchilarning 41,7 foizi o‘z tanlovini amalga oshirdi. Gomel viloyatida eng ko‘p aholi muddatidan oldin ovoz berdi - 54,44%. Markaziy saylov komissiyasi rahbari Lidiya Yermoshinaning ta’kidlashicha, u yerdagi saylovlar allaqachon haqiqiy deb topilgan. Mogilev viloyatida aholining deyarli yarmi (49,92%) ham muddatidan oldin ovoz berishgan, Minskda muddatidan oldin ovoz berish uchun saylovchilar soni oz bo‘lgan - 33,4%. Markaziy saylov komissiyasining ma’lumotlariga ko‘ra, muddatidan oldin ovoz berish uchun saylovlarga qatnashganlar soni rekord darajaga etdi: bungacha eng yuqori natija 2015 yilda bo‘lib, unda 36,05% saylovchilar oldindan ovoz berishgan. Ushbu saylovlarda jami 6,84 million Belarus fuqarolari saylovchilar ro‘yxatiga kiritilgan.