Mirziyoyev Pokiston xalqiga hamdardlik bildirdi

Mirziyoyev Pokiston xalqiga hamdardlik bildirdi

Foto: EPA

O‘zbekiston prezidenti Shavkat Mirziyoyev Karachi shahrida ro‘y bergan aviahalokat oqibatida ko‘plab insonlar qurbon bo‘lgani munosabati bilan Pokiston Islom Respublikasi prezidenti Orif Alvi va Bosh vaziri Imron Xonga ta’ziya maktubi yo‘lladi.

Unda davlat rahbari Pokiston xalqiga, marhumlarning oila a’zolari va yaqinlariga chuqur hamdardlik bildirdi.

Eslatib o‘tamiz, kecha Pakistan Airways aviakompaniyasining Airbus A320 yo‘lovchi samolyoti Karachi aeroporti yaqinida turar joy kvartaliga qulab tushgan edi.

Ma’lumotlariga ko‘ra, bortda 97 kishi bo‘lgan: 85 yo‘lovchi va 12 ekipaj a’zosi. Ularning ko‘pchiligi vafot etgani aytilmoqda, ammo aniq raqamlar hali e’lon qilinmadi.