Moliya vaziri va statistika qo‘mitasi raisiga o‘rinbosar tayinlandi
10.07.2020 10:22,
607
Prezident qarori bilan hukumatda bir qancha tayinlovlar amalga oshirildi. Bu haqda Adliya vazirligining Huquqiy axborot kanalida xabar berildi.
Prezident qarori bilan Xolmurodov Dilshod Ibragimovich O‘zbekiston Respublikasi Davlat statistika qo‘mitasi raisining birinchi o‘rinbosari lavozimiga tayinlandi.
Bungacha D.Xolmurodov Markaziy bankning Statistika va tadqiqotlar departamenti boshlig‘i lavozimida faoliyat olib borgan.
Shuningdek, prezident qarori bilan Abruyev Jamshid Ismailovich O‘zbekiston Respublikasi Moliya vazirining o‘rinbosari lavozimiga tayinlandi. U tayinlovga qadar, Moliya vazirligi Davlat byudjeti bosh boshqarmasi boshlig‘i lavozimida faoliyat yuritgan.