Mongoliya prezidenti Xaltmaagiyn Battulga Xitoy Xalq Respublikasi raisi Si Szinpin bilan uchrashuvdan so‘ng vataniga qaytdi. Bu haqda Montsame axborot agentligi xabar berdi.
Agentlik ma’lumotiga ko‘ra, koronavirus profilaktikasiga asosan Mongoliya lideri va u bilan birga borganlar maxsus klinikada 14 kunga izolyasiyaga olindi. Ulardan Covid-19 uchun tahlil ham olindi.
Rasmiy axborotga ko‘ra, X.Battulga Ulan-Batordagi alohida klinikaga yotqizildi. U bilan birga borgan vazirlar boshqa klinikaga joylandi.