Москва шаҳрида 31 ёшли Ўзбекистон фуқаросининг жасади топилди
10.09.2021 08:33,
361
Қатор ижтимоий тармоқларда Москва шаҳрида ўлик ҳолда топилган, 1990 йилда туғилган ўзбекистонлик меҳнат мигранти ҳақида тарқалган хабарлар Ташқи меҳнат миграцияси агентлигининг Москвадаги ваколатхонаси томонидан ўрганилмоқда.
Хусусан, вафот этган фуқаронинг шахсига аниқлик киритилди. Унинг яқин қариндошлари билан алоқа ўрнатилиб, жасадни Ўзбекистонга қайтариш бўйича тегишли ҳужжатлар расмийлаштирилмоқда.
Шунингдек, Россиянинг ҳуқуқ-тартибот идоралари ходимлари билан алоқалар ўрнатилиб, мазкур ҳодиса назоратга олинди.